Shqipëri, 13 raste të reja me virusin korona
ë Shqipëri vazhdojnë të regjistrohen raste të reja me koronavirusin e ri (COVID-19), pasi në 24 orët e fundit janë konfirmuar pozitivë 13 qytetarë, transmeton Anadolu Agency (AA).
Gjatë 24 orëve të fundit janë testuar 260 qytetarë të dyshuar si të prekur me COVID-19, ka njoftuar Ministria e Shëndetësisë dhe Mbrojtjes Sociale.
“Rastet e reja janë kontakte të personave që tashmë rezultojnë pozitivë, ndërkohë që po vazhdon hetimi epidemiologjik aktiv në terren. Deri më sot janë konfirmuar pozitivë me COVID-19 në të gjithë vendin 946 qytetarë. Në vendin tonë aktualisht janë 200 persona aktivë me COVID-19, kryesisht ne Tiranë, Durrës Krujë, Shkodër, Kamëz dhe Berat”, thuhet në njoftimin e ministrisë.
Sipas ministrisë, deri tani në Shqipëri janë kryer 12.554 testime dhe janë shëruar 715 pacientë, ndërkohë gjithsej 31 persona kanë humbur jetën nga COVID-19.
Për shkak të COVID-19 në Shqipëri është shpallur gjendja e fatkeqësisë natyrore, ndërsa vazhdojnë masat si mbyllja e institucioneve arsimore, ndalimi i hyrjeve me vendet fqinje për udhëtarët, pezullimi i fluturimeve, pezullimi i transportit urban dhe kufizimi i lëvizjes së qytetarëve.
Prej disa javësh ka filluar zbatimi i strategjisë së rihapjes dhe lehtësimit të masave për qytetarët dhe bizneset.