Ekipi italian po planifikon të bëjë ofertë për Neymarin

Juventusi është duke menduar të bëjë ofertë për yllin brazilian të Paris Saint-Germainit, Neymar, shkruan “Mundo Deportivo”, transmeton Koha.net.

Krerët e klubit kampion të Italisë duan që të bëjnë bashkë Neymarin me Cristiano Ronaldon dhe janë të gatshëm të ofrojnë argjentinasin Paulo Dybala në marrëveshje shkëmbimi për të ulur çmimin. Por, paga e lartë e Neymarit mund të jetë pengesë, pasi krerët e Juventusit nuk duan t’i ofrojnë atij pagën e njëjtë që e ka ai te Parisi.