KE-ja shpall masat për shpëtimin e turizmit në Evropë
Komisioni Evropian (KE) u kërkoi hoteleve, restoranteve dhe pronarëve të plazheve të ofrojnë një distancë fizike midis mysafirëve, në mënyrë që evropianët të shkojnë në pushime verore.
Duke shpallur një seri masash që synojnë shpëtimin e turizmit, i cili është goditur rëndë nga pandemia me koronavirus, KE bëri thirrje për një lehtësim gradual dhe të kujdesshëm të masave kufizuese në të gjithë Evropën dhe publikoi këshilla për hotelet, menaxherët turistikë, pronarët e restoranteve dhe kompanitë turistike, transmeton Alsat.
