Trafikonte drogë, arrestohet ish-futbollisti i Real Madridit
Ish-lojtari e Real Madridit, Edwin Congo, u arrestua këtë mëngjes nga policia spanjolle në një operacion kundër një rrjeti të trafikut të drogës, në këtë rast kokainë (ishte mes 10 peronave të ndaluar), transmeton SS. Kolumbiani, i cili përveçse për klubin “merengues ka luajtur edhe për Valladolidin, Levanten, Sportingun e Gijónit dhe Recreativo de Huelvan, u arrestua nga Brigada Qendrore e Narkotikëve dhe u fut në burg në kuadër të një operacioni që ende nuk ka përfunduar.
Edwin Kongo (ka lindur në Bogotá në vitin 1976) mbërriti në Spanjë në vitin 1999 nga Once Caldas, në një transferim që kushtoi rreth 5 milionë euro. Mirëpo ai nuk gjeti vend te Real Madridi dhe luajti në huazim te Valladolidi (1 gol në 14 ndeshje). Një vit më vonë, destinacioni i tij ishte Vitoria Guimaraes, megjithëse në janar ai bëri kërcimin në ligën franceze, për të luajtur për Toulouse, falë katër golave që ai kishte shënuar në 10 ndeshje në Portugali. Në Ligue 1 ai shënoi vetëm një gol dhe në sezonin 2001-2002 u kthye te Real Madridi, ku nuk luajti asnjë minutë.
Congo më pas u transferua te Levante, klub ku asi luajti për katër vjet. Më vonë, ai do të luante për Sporting Gijon dhe Recreativo Huelvan, klubi i fundit në elitë.
