fbpx

Twitter do t’u mundësojë punëtorëve të punojnë përgjithmonë nga shtëpia

Rrjeti social Twitter bëri të ditur se të punësuarit e tij që kanë marrë leje për të punuar nga shtëpia gjatë koronavirusit të ri (COVID-19) mund të vazhdojnë me punë nga shtëpia për një kohë të pacaktuar, njofton Portalb.mk.

Drejtori ekzekutiv i kompanisë, Jack Dorsey deklaroi se të punësuarit mund të vazhdojnë të punojnë nga shtëpia edhe pasi në vendet e tyre të hiqet masa kundër koronavirusit, bëri të ditur portal “Tech Crunch”.

Ai tha se punonjësit nuk duhet të jenë të pranishëm në zyrat e kompanisë, përveç stafit që kërkon praninë fizike, siç është instalimi dhe mirëmbajtja e pajisjeve teknike.

“Qasja jonë për këtë çështje ka qenë jashtëzakonisht e ndjeshme që nga fillimi. Ne jemi bërë një nga kompanitë e para që kalojmë në një model biznesi të bazuar në shtëpi. Siguria e punonjësve tanë dhe komunitetit tonë mbetet prioriteti ynë”, thonë nga kompania.

Kompania ka selinë në shtetin amerikan të Kalifornisë ndërsa Twitter ka 4.900 të punësuar.

Lajme të ngjashme

Leave a Reply

Your email address will not be published. Required fields are marked *

Back to top button