SHBA, mbi 77 mijë të vdekur nga COVID-19

Numri i personave të vdekur nga koronavirusi i ri (COVID-19) në SHBA është rritur në 77.055, prej të cilëve 2.238 kanë humbur jetën në 24 orët e fundit, transmeton Anadolu Agency (AA).

SHBA vazhdon të mbetet vendi me numrin më të lartë të rasteve të konfirmuara dhe të viktimave.

Të dhënat nga faqja e internetit “Worldometer” tregojnë se në 24 orët e fundit, numri i rasteve pozitive me koronavirus në SHBA është rritur për 31.326, duke e çuar numrin e përgjithshëm në 1.295.031.

Pas SHBA-së, numrin më të madh të të infektuarve e kanë regjistruar Spanja (260.117), Italia (215.858) dhe Mbretëria e Bashkuar (206.715).

Shteti amerikan New York është më i godituri në SHBA, me gjithsej 337.421 raste të konfirmuara dhe 26.365 viktima.

Në SHBA janë kryer mbi 8,3 milionë teste deri më tani, ndërsa numri i të shëruarve nga COVID-19 është rritur në 217.273.

Lajme të ngjashme

Leave a Reply

Your email address will not be published. Required fields are marked *

Back to top button