LSDM për zgjedhje sapo të krijohen kushtet, pasi mund të ketë valë tjetër të virusit korona

Goran Sugareski, Ministri i Transportit nga LSDM-ja dhe zëdhënësi i kësaj partie, Kostandin Kostandinov vlerësojnë së zgjedhjet duhet të mbahen sapo të krijohen kushtet shëndetësore, transmeton Portalb.mk.

“Me lirimin e masave të cilat po ndodhin dhe do të ndodhin javën e ardhshme, dhe kur do të krijohen kushte, jemi të mendimit të mbahen zgjedhjet e parakohshme parlamentare”, deklaroi Sugareski.

Qëndrim të njëjtë dha edhe zëdhënësi i partisë së tij, Kostadinov, i cili tregoi edhe qëndrimin e partisë.

“Qëndrimi ynë është se menjëherë pas normalizimit të gjendjes me virusin korona duhet të shkohet në zgjedhje”, deklaroi Kostadinov, duke vlerësuar se është e nevojshme një gjë e tillë “duke i pasur parasysh edhe mendimet që qarkullojnë nëpër Evropë dhe botë se ndoshta na pret edhe një valë tjetër e Kovid-19”.

Sugareski thekson se opozita qëllimisht ik nga zgjedhjet.

“Opozita qëllimisht ik nga zgjedhjet. Për ne më me rëndësi  është shëndeti i qytetarëve. Duhet fillimisht të shihet  deri kur do të vazhdojë gjendja e jashtëzakonshme”, deklaroi Sugareski.

Më herët edhe edhe Radmilla Shekerinska, Ministrja e mbrojtjes së Maqedoninë e Veriut vlerëson se shteti duhet të përgatite edhe për valën e dytë të epidemisë, ndërkohë duhet të realizon Zgjedhje sapo të krijohen kushtet.

“Ne besojmë se është përgjegjësi kryesore e shtetit ta sigurojë funksionimin e plotë të institucioneve dhe të përgatitet për valën e dytë të epidemisë. Prandaj, qëndrimi ynë ishte menjëherë sa të krijohen kushtet, menjëherë sapo epidemia të na japë një shans t’i organizojmë zgjedhjet, atë edhe ta bëjmë”, theksoi Shekerinska.