fbpx

RMV, gjyqësori me vetëm 12% besim nga qytetarët

Në një sondazh të gjerë të opinionit publik nga Instituti Kombëtar Demokratik (NDI) i botuar në prill, qytetarët, përveç se janë shprehur se kanë  vetëm 3 përqind besim te gjyqtarët dhe prokurorët, e kanë theksuar gjyqësorin si një nga problemet më serioze në vend, njofton Portalb.mk.

Sipas rezultateve të sondazhit, qytetarët e kanë quajtur atë “Monti Pajton gjyqësi” dhe “Serial turk”. Ata kanë deklaruan se shteti ka pasur gjyqësi partizane për 30 vjet, se nuk ka sundim të  ligjit, që ligjet nuk zbatohen ose nuk zbatohen në mënyrë të barabartë për të gjithë dhe se qytetarët janë të pafuqishëm dhe të pambrojtur.

Mijëra komente negative në rrjetet sociale me përmbajtje të zemëruar, fyese dhe madje edhe vulgare, dënime dhe mallkime shkaktuan revolta e gjyqtarëve dhe prokurorëve kundër dekretit të qeverisë si solidaritet në trajtimin e pasojave të koronavirusit, për muajin prill dhe maj të marrin pagë minimale prej 14.500 denarë , sa do të marrin edhe shumica e punonjësve të sektorit privat. Ose, si solidaritet me ata që do të humbin punën e tyre. Ata paraqitën një iniciativë në Gjykatën Kushtetuese, dhe gjyqtarët kushtetues, të cilët gjithashtu duhej të marrin pagë minimale vendosën të mbajnë pagat e veta dhe të gjyqtarëve, prokurorëve, deputetëve, zyrtarëve antikorrupsion, drejtorëve …

Shumë gjyqtarë dhe prokurorë thonë se reagimet negative në mediat sociale janë të paqarta për ta. Pjesa e sondazhit të NDI për rejtingun jurisprudencës në vendin tonë, e realizuar në shkurt-mars, përpara se gjyqtarët të rebeloheshin kundër solidaritetit në luftën kundër KOVID-19, mund të ndihmojë të sqarohen paqartësive.

Vetëm 3% e qytetarëve deklaruan se ata u besojnë plotësisht gjyqtarëve dhe me 9% që u përgjigjën me shprehjen “Unë u besoj atyre”, vështirë se mund të përmblidhen gjithsej 12% të besimit të qytetarëve në gjyqësor. Rreth 70% e të anketuarve nuk i besojnë gjyqësorit, që është niveli më i ulët i besimit deri më tani.

Prokuroria Publike nuk është më mirë. Ekziston vetëm një përqind e besimit plus. Tre përqind besojnë plotësisht në prokurori, 13 përqind thanë se u besuan atyre, dhe madje 62 përqind nuk besuan në ndjekje penale.

Dhe Komisioni Kundër korrupsionit është aty diku, vetëm 18% e të anketuarve i besojnë atij, madje as 57%. Zyrtarët antikorrupsion ishin të parët që mirëpritën vendimin e Gjykatës Kushtetuese për të kursyer pagat e personave të zgjedhur dhe të emëruar, përfshirë ata, duke zbuluar se nuk kishte ndonjë konflikt interesi.

Dhe për ato pak raste që i procedoi Prokuroria për krim të organizuar dhe korrupsion, në sondazhin e fundit të NDI vetëm 6 % e qytetarëve janë pajtuar plotësisht që gjykatat e Maqedonisë (Gjykata themelore Shkup 1 – Departamenti për krim të organizuar, Gjykata e Apelit – Shkup dhe Gjykata Supreme) i zgjidh çështjet që lidhen me krimin e organizuar dhe korrupsionin në mënyrë të duhur dhe në kohë. Njëmbëdhjetë përqind kanë thënë “kryesisht pajtohem” dhe vetëm 17 përqind kanë besim. Rreth 64% e të anketuarve kanë thënë që gjykatat nuk i përfundojnë procedurat e krimit të organizuar dhe korrupsionit në mënyrë të duhur dhe në kohë.

Vetëm 6% e qytetarëve u pajtuan plotësisht që gjykatat e Maqedonisë i zgjidhin çështjet që lidhen me krimin e organizuar dhe korrupsionin në mënyrë të duhur dhe në kohë. – Ekstrakt nga sondazhi i NDI

Sipas sondazhit, 65% e qytetarëve mendojnë se ka ndërhyrje dhe presion mbi gjyqësorin nga të gjitha partitë politike. Ndërkohë, 62% kanë thënë që qytetarët nuk kanë trajtim të barabartë në proceset gjyqësore.

Ndërsa qytetarët deklaruan në përqindjen më të madhe se gjyqësori është një nga problemet më të mëdha në vend, ata u pyetën në të njëjtën sondazh se kush është fajtor për këtë. Ata janë përgjigjur se për besimin katastrofal dhe rejtingun e ulët të gjyqësorit dhe prokurorisë fajtorë janë: të gjitha partitë politike, Qeveria e cila nuk bëri reforma në gjyqësor, elitat e biznesit, gjyqtarët dhe prokurorët e korruptuar dhe mungesa e kontrollit dhe përgjegjshmërisë së punës së gjyqtarëve.

Lajme të ngjashme

Leave a Reply

Your email address will not be published. Required fields are marked *

Back to top button