RMV, Prokuroria Publike propozoi të dënohen 30 persona të cilët nuk kanë respektuar orën policore
Prokuroria Themelore Publike Shkup sot parashtroi propozime për dhënie të urdhëresave ndëshkuese kundër 30 personave për vepër penale – Mosveprim sipas dispozitave shëndetësore gjatë epidemisë, informuan nga Prokukuroria Themelore Publike Shkup.
“Të akuzuarit nuk e kanë respektuar Vendimin e ndalesës dhe regjimin e veçantë për lëvizje të popullatës, dhe gjatë orës policore janë zënë duke qarkulluar në lokacione të ndryshme të qytetit, pa leje”, theksuan nga Prokuroria.
Prokuroria Publike për të gjithë të akuzuarit propozoi të caktohen dënime në para në vlerë prej 100 gjobave ditore, me ç’rast një gjobë ditore do të jetë në vlerë prej 20 euro në kundërvlerë të denarit.