fbpx

Spasovski: U japim mirënjohje të madhe të gjithë punëtorëve në vend, edhe njëherë po e tregojnë vlerën e punës dhe solidaritetit

Kryeministri Oliver Spasovski, me rastin e Ditës Ndërkombëtare të Punës – 1 Majit, tha se festën e punëtoreve dhe punëtorëve, e festojmë në gjendje të jashtëzakonshme, për shkak të pasojave nga kriza ekonomike-shëndetësore nga virusi korona, njofton Portalb.mk.

“Përveç shëndetit të qytetarëve, kriza kërcënoi të rrezikojë mijëra vende pune dhe për këtë arsye Qeveria e Republikës së Maqedonisë së Veriut vendosi shëndetin e të gjithë qytetarëve në vend të parë në luftën kundër virusit korona dhe menjëherë miratoi masa për ruajtjen e vendeve të punës dhe sigurinë gjatë punës. Gjendja e jashtëzakonshme dhe virusi korona nuk do të na ndalin që ta festojmë punën e punëtorëve dhe punëtoreve, sepse ata janë forca për zhvillimin e shoqërisë sonë. Prandaj krijuam masa që në krye të prioriteteve kanë ruajtjen e vendeve të punës dhe pagat e të punësuarve”, tha Spasovski.

Kryeministri shprehu falënderim për kontributin e punëtoreve dhe punëtorëve edhe në këto kushte të marrin pjesë në qëndrueshmërinë e ekonomisë dhe aktiviteteve vitale të vendit tonë.

Kjo përpjekje, punë dhe angazhim i jashtëzakonshëm i çdo punonjësi duhet të vlerësohet si nga punëdhënësit, ashtu edhe nga shteti. Në emër të Qeverisë, u jap mirënjohje të madhe të gjithë punonjësve në vend, të cilët edhe njëherë e treguan vlerën e punës dhe solidaritetit. Falënderim të veçantë u dërgoj punonjësve shëndetësorë, si dhe të punësuarve në polici dhe armatë, të cilët nga linja e parë për menaxhim me krizën, i krijojnë kushtet që ta rregullojmë përditshmërinë tonë në normalen e re dhe për avancimin e vendit tonë”, shtoi kryeministri.

Lajme të ngjashme

Leave a Reply

Your email address will not be published. Required fields are marked *

Back to top button