Pse patatet e skuqura në Belgjikë po kthehen në një çështje publike urgjente?

750 mijë ton patate kanë mbetur stok dhe janë ndoshta të destinuara për t’u groposur. Një humbje e paparë në historinë e një vendi që patatet e skuqura i ka kthyer në simbolin e ushqimit në rrugë. E ardhmja e patateve të skuqura në Belgjikë është një çështje publike dhe urgjente: shoqata e fermerëve të patates Belgapom ka zyrtarizuar shifrat e mbetjeve të prodhimit në një dokument, dhe ato janë të tmerrshme, transmeton Class.

Bllokimi i vendosur nga mesi i marsit ka eliminuar kërkesën për patate të skuqura nga konsumatorët e mëdhenj, përkatësisht restorante dhe klube, dhe anulimi i festivaleve të muzikës tashmë po nxjerr në pah pasojat e jashtëzakonshme për të gjithë zinxhirin ushqimor. “Restorante, dyqane me patate të skuqura si dhe ndeshje futbolli, karnavale, panaire dhe ngjarje të tjera ku pako e patateve është mbret, tashmë është çështje e të kaluarës”, tha Pierre Lebrun, drejtor i industrisë së patateve në rajonin e Wallonia në RTFB. Një katastrofë.

Por iniciativa për të zgjidhur problemin është shumë më argëtuese: të rritet konsumi i patateve të skuqura belge në shtëpi, një ose dy herë në javë, duke i porositur në restorante dhe klube të hapura me shpërndarje delivery. Ushqimi i më shumë patateve të skuqura në shtëpi mund të ndihmojë në mbiprodhimin, por a mund të fillojë konsumi ngadalë për të tkurrur problemin? Kjo duket si një strategji e shkëlqyer për të kënaqur ekonominë e stomakut dhe ushqimit. Një ide e thjeshtë, por propozimi ekstravagant i Belgapom-it për patatet e famshme kishte meritën që të kuptonte morinë e problemeve që lidhen me bllokimin nga koronavirusi, të cilat nga dhoma e vetme e mbyllur shkojnë deri në zinxhirin e shpërndarjes, logjistikës dhe prodhimit deri tek fermeri.

Belgjika është një nga prodhuesit kryesorë në botë, ajo eksporton 80% të prodhimit të saj në formën e patateve të ngrira franceze. Përballë kësaj situate, sa patate të skuqura franceze mund të hamë vetëm për të kursyer prodhimin pa dëmtuar shëndetin tonë, duke folur në mënyrë objektive? Për të mbrojtur industrinë e patates në Belgjikë, raporton BrusselTimes, shoqata tregtare tashmë ka organizuar veten për të furnizuar prodhimin e tepërt në supermarketet ushqimore, të cilat si në vendet e tjera kanë marrë një rritje të kërkesave për mbështetje nga njerëzit në vështirësi ekonomike.