Viti 2020 pritet të jetë viti më i ngrohtë ndonjëherë në planetin Tokë

Ngrohtësia e këtij viti është e pazakontë, duke pasur parasysh mungesën e “El Nino”, rryma natyrale e ujit tropikal të Oqeanit Paqësor që ndikon në moderimin e temperaturave në të gjithë botën, sipas Deke Arndt nga Qendrat Kombëtare të NOAA-s për Informimin e Mjedisit, transmeton lajmi.net.

Ai tha se shkurti dhe marsi ishin muajt më të ngrohtë duke shënuar rekord pa “El Nino”. Trendi afatgjatë i nxehtësisë që planeti po përballet është kryesisht për shkak të emetimit të gazrave serë nga djegia e karburanteve fosile, tha ai.

Edhe nëse 2020 përfundon të mos jetë viti më i ngrohtë, NOAA tha që ka një shans prej 99.9% që 2020 të përfundojë në mesin e pesë viteve më të ngrohta ndonjëherë në historinë e botës.