Cakaj bisedë me Danielsson: Integrimi, COVID-19, BE mbështet Shqipërinë
Ministri në detyrë për Evropën dhe Punët e Jashtme, Gent Cakaj, gjatë ditës së sotme zhvilloi një bashkëbisedim online me Drejtorin e Përgjithshëm për Politikat Evropiane të Fqinjësisë dhe Zgjerimit në Komisionin Evropian, Christian Danielsson.
Në një reagim në facebook, Cakaj bëri me dije, se në këtë komunikim bashkëfolësit nënvizuan veçanërisht faktin, se pas çeljes së negociatave me Bashkimin Evropian, duhet shtuar angazhimi për plotësimin e të gjitha detyrimeve të nevojshme në rrugën e anëtarësimit, transmeton TCH.
“Po ashtu, biseduam edhe rreth bashkëpunimit mes Shqipërisë e BE-së në luftën e përbashkët kundër COVID-19 dhe procesin e rindërtimit pas tërmetit të nëntorit 2019.”- shtoi Kryediplomati Cakaj.
Në përfundim të postimit të tij, Cakaj siguroi se komunikimi me BE-në në këto rrethana është i vazhdueshëm dhe përparimi drejt BE-së është i sigurt, sikurse fitorja e përbashkët mbi pandeminë.
