fbpx

Osmani: Jemi krenar që ndihma dhe mbështetja për ballafaqim me COVID-19 po arrin nga të gjitha anët e botës

Zëvendëskryetari i Qeverisë për Çështje Evropiane, Bujar Osmani në rolin e Koordinuesit Kombëtar për menaxhim me ndihmën e huaj në vend, realizoi video-konferencë me donatorët bilateral.

Para pjesëmarrësve të video-konferencës së sotme Zëvendëskryeministri Osmani shkurtimisht referoi për aktualitetet e fundit që kanë të bëjnë me COVID19, si dhe për masat dhe aktivitetet e Qeverisë për ballafaqim me këtë pandemi globale.

“Më lejoni që në fillim, në emër të Qeverisë, të shpreh mirënjohjen time të madhe për ndihmën e deritanishme e cila ka arrirë nga të gjitha anët e botë. Kjo tregon se edhe krahas intensitetit të fuqishëm të krizës, kjo nuk i ndryshon marrëdhëniet afatgjate miqësore dhe bashkëpunimin e deritanishëm të suksesshëm. Sinqerisht besoj se këto aktivitete dhe marrëdhëniet e ndërsjella të suksesshme do të vazhdojnë edhe në të ardhmen, me çka, jo vetëm që do të tejkalohet më lehtë kriza, por me përpjekje të përbashkëta, me bashkëpunim dhe mbështetje të ndërsjellë, do të dalim edhe më të fuqishëm nga ajo” – theksoi Osmani.

Gjatë Konferencës së Donatorëve, Osmani i prezantoi prioritetet dhe nevojat e vendit në luftën me epideminë COVID19, si dhe për ballafaqimin me sfidat që dalin nga kjo krizë. Në këtë drejtim Zëvendëskryeministri i prezantoi edhe analizat dhe parashikimet e Qeverisë për pasojat socio-ekonomike që priten, si dhe mundësitë për donatorët që përmes mbështetjes dhe bashkëpunimit bilateral t’i ndihmojnë vendit në ballafaqim edhe me këto sfida.

Lajme të ngjashme

Leave a Reply

Your email address will not be published. Required fields are marked *

Back to top button