fbpx

Me kapakë të shisheve deri te ndihma për invalidët, të rinjtë me ide briliante

“Nëse nuk do të mund të isha i aftë të isha vërtetë si çdokush tjetër, atëherë do të isha si vetja ime dhe do të bëja maksimumin”.  Christy Brown, Këmba ime e Majtë.

Që nga muaji shtator, në shumë vende gjithandej në Tetovë, krahas kontejnerëve të zakonshëm për mbeturina, mund të vërehen edhe paketa dhe shporta të veçanta të parapara për hedhjen e kapakëve të shisheve të plastikës.

Vendosja e tyre është bërë si pjesë e projektit humanitar “Macedonia Cap Project” e organizatës rinore Youth for Youth, përmes të cilit tash tre muaj në Tetovë janë duke u mbledhur kapakët e shisheve plastike të cilët më pas do të këmbehen për karroca me rrota për personat me nevoja të veçanta.

Për një karrocë për personat me nevoja të veçanta nevojiten rreth 250 kg kapakë të plastikës. Ndërsa, të gjithë kapakët e mbledhur i dërgohen një kompanie  ricikluese në Turqi, e cila në këmbim të tyre do të blej karroca për personat me nevoja të veçanta.

Krahas ndihmës humanitare nuk duhet harruar se ky projekt ka ndikim edhe në ruajtjen e ambientit.

Projekti “Macedonia Cap” së pari ka filluar të zbatohet në Tetovë, ku më pas do të zgjerohet edhe në qytetet tjera në Maqedoni. /Portalb

Lajme të ngjashme

Back to top button