fbpx

E dashura ime i xhelozon librat

e dashura ime më pandeh të shenjtë
profet i mbramë i ardhur sall për të
në sytë e saj dukem tjetër njeri
liqe të pikëlluar ku veten nuk e njoh

e dashura ime më pandeh të shenjtë
dhunti që zoti veç asaj ia fali
andaj duheshka t’i përkas vetëm asaj
unë i rëndomti njeriu mëkatari

e dashura ime më pandeh të shenjtë…

e dashura ime s’i duron dot librat
s’pëlqen assesi të merrem me to
s’më lejon të kaloj pranë librarive
shpesh më pyet “përse shkruan?”
mbrohem me heshtje që e çmend

femrat janë të çuditshme
si meshkujt
duan t’u përkasësh vetëm atyre

Poezi nga Salajdin Salihu

Lajme të ngjashme

Back to top button