Futbollistët e ekipit italian hoqën dorë nga paga e prillit
Lojtarët e skuadrës së parë të Parmës dhe stafi janë pajtuar që të heqin dorë nga paga e muajit prill, është njoftuar në faqen zyrtare të klubit të Serie A së Italisë, transmeton Koha.net.
Në komunikatë është njoftuar se lojtarët, trajneri, stafi teknik dhe drejtori sportiv janë pajtuar unanimisht për uljen e pagës. Pjesë e Parmës është mbrojtësi i Shqipërisë, Kastriot Dermaku.
Më herët lojtarët e kampionit të Juventusit kanë pranuar uljen e pagës. Lega Serie A i ka dhënë leje 20 klubeve anëtarë për t’iu ulur pagat lojtarëve gjatë periudhës sa kampionati është i pezulluar shkaku i koronavirusit. Mirëpo, Unioni i Lojtarëve Italian (AIC) nuk është pajtuar me këtë vendim.