Në Kosovë 117 persona dyshohen për shkelje të masave anti-COVID-19

Policia e Kosovës ka njoftuar se në 117 persona dyshohen se nuk kanë respektuar masat për parandalimin e përhapjes së koronavirusit të ri.

Kështu thuhet në raportin 24-orësh të policisë.

Numri më i madh i personave që nuk kanë zbatuar vendimin e qeverisë janë në Prishtinë, 58 persona, pasuar nga Prizreni me 32 persona, transmeton REL.

Duke marrë parasysh të dhënat e fundit, në gjithë Kosovën është raportuar për 283 persona të prekur nga sëmundja COVID-19, që shkakton koronavirusi, 58 janë shëruar derisa 7 të tjerë kanë vdekur.

Për shkak të koronavirusit të ri, Qeveria e Kosovës ka shpallur gjendje emergjente të shëndetit publik.