RMV, Ministri Filipçe raportoi për zhvillimet e fundit në lidhje me virusin korona, gjithsej 663 të infektuar
Venko Filipçe, Ministri i shëndetësisë në Maqedoninë e Veriut në konferencën për media theksoi se janë hapur procedurat për blerjen e respiratorëve, transmeton Portalb.mk.
“Janë hapur ofertat për aparatet respiratorë – procedurë në të cilën përparësi do të ketë afati i porosisë. Gjithashtu, filloi një procedurë për blerjen e tri mijë reagjentëve për laboratorin e Institutit i shëndetit publik”, deklaroi Filipçe.
Ministri sqaroi se deri më tani janë mbledhur 60 milionë denarë në fondin e donacioneve.
“Në llogarinë në të cilën dhurohen para, janë mbledhur rreth 60 milionë denarë, dhe gjithë mjetet do të shfrytëzohen për blerjen e materialeve për trajtimin e pacientëve të infektuar me virusin korona”, premtoi Filipçe.
“Në Klinikën për sëmundje infektive gjithsej janë 68 pacientë. Nëna dhe foshnja katërmuajshe nga Koçani janë pranuar, ndërsa kanë gjendje klinike stabile. Te katër pacientët e Klinikës po pritet edhe testi i dytë. Testi i parë është negativ, në momentin kur edhe testi i dytë do të jetë negativ, do të lëshohen në shtëpi”, deklaroi Filipçe.
Ministri raportoi se janë bërë 341 teste, dhe janë regjistruar 46 raste të reja me virusin korona.
“Besojmë se masat do të japin rezultate. Njëkohësisht po përgatitemi që gradualisht, në përputhje me parashikimet që në fund të prillit kur do të arrihet piku, jeta do të fillojë të kthehet në normalitet, si dhe gjithë procesi jetësor”, deklaroi Filipçe.
Ministria e Shëndetësisë e Republikës së Maqedonisë së Veriut informoi se në 24 orët e fundit janë regjistruar 46 raste të reja të të infektuarve me virusin korona.
Në 24 orët e fundit, janë regjistruar 46 raste të reja të të infektuarve me virusin korona. Sipas qyteteve:
– Shkup 12
– Kumanovë 13
– Tetovë 1
– Strugë 2
– Veles 8
– Koçani 1
– Probishtip 1
Me këtë numri i përgjithshëm i të infektuarve në RMV është 663 persona. Sipas qyteteve, numri i përgjithshëm i të infektuarve me virusin COVID-19 është si vijon:
- Shkup – 273
- Kumanovë – 143
- Dibër – 49
- Shtip – 20
- Tetovë – 30
- Prilep – 46
- Strugë – 30
- Veles – 18
- Manastir – 8
- Ohër – 3
- Kavadar – 3
- Gostivar – 4
- Gjevgjeli – 4
- Strumicë – 2
- Kriva Pallankë – 3
- Radovish – 4
- Krushevë – 3
- Koçan 19
- Probishtip 1
Për informata më të detajuara për situatën me virusin korona, klikoni në këtë link: http://gdi.mk/corona/
- LEXO: RMV, nëse gjatë orës policore qytetarët kanë rast urgjent për në spital, nuk duhet të marrin leje nga policia
- LEXO: Transport i organizuar për punëtorët shëndetësor gjatë kohës së orës policore
- LEXO: RMV, D-r. Danillovski, Nuk ka zgjidhje tjetër, përpos masave radikale
- LEXO: Rexhepi: Të na ndihmojë Qeveria se mos e dhëntë Zoti ta tërheqim vendimin për mbrojtje gjatë epidemisë, atëherë bëhet Bangladesh
- LEXO: Manastir, në mesin e të infektuarve me virusin korona ka edhe një fëmijë
- LEXO: Janë zgjedhur vegla digjitale për ballafaqim me pasojat nga COVID – 19, njëra është për lajme të rrejshme
- LEXO: “Ilaçe të mrekullueshme” dhe teori të reja konspirative në lidhje me e koronavirusin
- LEXO: Është rihapur Qendra për shëndet publik në Gostivar pasi u mbyll nga rreziku i virusit korona
- LEXO: Kompani, ambasada, institucione kanë dhuruar para dhe pajisje për përballje me virusin korona