Është rihapur Qendra për shëndet publik në Gostivar pasi u mbyll nga rreziku i virusit korona
Njësia rajonale e Qendrës për shëndet publik Gostivar prej sot sërish është e hapur. Të premten e kaluar, autoritetet shëndetësore përkohësisht e mbyllën, pasi në testim një i punësuari ishte pozitiv në Kovid-19. Rreth njëzetë të punësuar iu nënshtruan testimeve të sërishme të cilat u treguan negativë.
Nga Qendra për shëndet publik të Gostivarit për MIA-n konfirmuan se prej sot në mëngjes ata janë në punë dhe i kryejnë obligimet punuese.