Kumanovë, ndërroi jetë 27 vjeçarja pozitive në virusin korona, që lindi fëmijë
Ministria e Shëndetësisë e Republikës së Maqedonisë së Veriut informoi se ka ndërruar jetë lehona 27 vjeçare nga Kumanova, pozitive në virusin korona, njofton Portalb.mk.
“Ajo me 30 mars në Klinikën e Gjinekologjisë dhe Akusherisë në Shkup ka lindur para kohe një bebe mashkull që ishte negativ në virusin korona. Pacientja më 31 mars u dërgua në Klinikën për sëmundje infektive në Shkup për shkak se ka pësuar keqësim të gjendjes, dhe më pas ka ndërruar jetë” informon ministria.
Foshnja e saj është në gjendje të mirë dhe nën kujdes intenziv, informon ministria.
Me këtë, numri i të vdekurve shkoi në 3, për 24 orët e fundit në RMV. Gjithashtu, janë regjistruar 18 raste të reja të të infektuarve me virusin korona.
Nga Klinika për sëmundje infektive dhe febrile në Shkup kanë dalë 5 pacientë të shëruar.
Me këtë numri i përgjithshëm i të infektuarve në RMV është 617 persona.
LEXO: RMV, dy persona të vdekur dhe 18 raste të reja me virusin korona, gjithsejtë 617 të infektuar
