RMV, Ministria e Shëndetësisë ka dhënë disa rekomandime për personat me sëmundje kardiologjike
Duke pasur parasysh faktin që, sipas kardiologëve, sëmundjet e zemrës rrisin rrezikun e pandemisë COVID- 19, Ministria e Shëndetësisë nëpërmjet një komunikate, ka këshilluar personat me sëmundje të zemrës, që të jenë të vetëdijshëm se kanë një rrezik të rritur, të mbrojnë veten dhe të zvogëlojnë rrezikun e infeksionit të rrugëve të frymëmarrjes me korona virusin e ri, njofton Portalb.mk.
Kjo ministri u ka adresuar disa rekomandime kardiologjike këtyre personave dhe kanë thënë se, informacioni dhe rekomandimet në kohë janë një armë e fuqishme për pacientët me sëmundje të zemrës.
“Nëse pacienti i sëmur me sëmundje kardiologjike dyshon se i ka simptomat e mëposhtme: temperatur, kollitje,frymëmarje të rënduar(gulçitje) , dhimbje koke ose dhimbje të fytit, hiperemi e përgjithshme është e nevojshme të telefononi mjekun amë, dhe t´ja tregoni diagnozën tuaj kardiovaskulare, trajtimet dhe qëndrimi në një spital kardiologjik, ti tregoj të gjitha barnat që i përdor, në mënyrë që të sigurojë një vlerësim më të mirë nga mjeku amë për veprime të mëtutjeshme. Rekomandimi i mjekut amë duhet të ndiqet plotësisht”, thuhet në kumtesë.
Nëse pacienti i sëmur me sëmundje kardiologjike, qëndron më tej në komunikatë, ka simptoma të tilla si shtërngime në gjoks, e cila zgjat më shumë se pesë minuta dhe ata nuk qetësohen gjatë përdorimit të barnave aktuale, është e nevojshme që menjëherë të konsulltoheni me mjekun amë, i cili do ta udhëzoj se si të veproj më tej.
“Çdo pacient i cili mjekohet për shtypje të lartë të gjakut, është e nevojshme të monitorohet shtypja e gjakut duke e matur vetë dhe duke e regjistruar vlerën e matur, dhe të konsultohet me mjekun amë me telefon, nëse shtypja e gjakut tejkalon 150/100 dhe për ta rritur dozën e barnave, të cilat i ka përdorur rregullisht deri atëherë, dhe nëse shtypja e gjakut akoma nuk është i rregulluar, këshillohuni për një kontrollë në ordinancë”, kanë thënë nga Ministria e Shëndetësisë.
Po ashtu, është theksuar se, marrja e barnave dhe ndjekja e rekomandimeve të mjekut mund të zvogëlojë rrezikun e komplikimeve nga kjo urgjencë stresuese, si dhe rreziku i infeksionit në mushkëri.