RMV, Ndryshime në itinerarin hekurudhor për shkak të orës policore

Vendosja e orës së vazhduar policore, e cila fillon nga ora 16:00 deri në 05:00 të mëngjesit të ditës së nesërme, çdo ditë pune dhe nga ora 16:00 të premten deri në orën 05:00 të mëngjesit të së hënës, shkaktoi ndryshime në itinerarin hekurudhor, njofton Portalb.mk.

Nga Hekurudhat informuan se prej sot do të qarkullojnë trenat në relacion Veles – Shkup – Veles: Treni nr. 601 do të qarkulloj sipas orarit të rregullt, nisja nga Shkupi në ora 09:15.

Treni nr. 2080 do të qarkulloj me nisje më të hershme nga e zakonta, më saktësisht nisja nga Velesi do të bëhet në ora 11:30 Treni nr. 2081 do të niset më herët nga Shkupi, në ora 12:40, dhe Treni nr. 2082 do të niset më herët nga Velesi, më saktë në ora 13:44.

Nga e hëna deri të premten do të qarkulloj një tren i udhëtarëve ad-hok në linjën Shkup-Veles, me një nisje të planifikuar për ora 05:45 që pritet të arrijë në Veles në ora 06:30 (garnitura).

“Në linjën Shkup-Gjevgjeli– Shkup do të qarkullojë treni nr. 611 nisja nga Shkupi sipas orarit të rregullt në ora 06:23. Treni nr.632 me nisje nga Gjevgjelia do të pësoj ndrysh në orar, më saktë do të niset më herët, në ora 11:30. Treni nr.630 nga Velesi do të niset me një vonesë prej +32 min, më saktë në ora 06:45”, kumtojnë nga Hekurudhat .

Prej atje theksojnë se në linjën Shkup-Manastir-Shkup: do të qarkullojë treni nr. 641 niset nga Shkupi sipas orarit të rregullt në ora 06:57. Treni nr. 642 do të niset nga Manastiri më herët, më saktë në ora 10:50.

Sot, siç theksohet në kumtesë, do të qarkullojnë edhe trenat 640 në linjën Manastir-Shkup dhe 661 në linjën Kërçovë-Shkup. Trenat tjerë të planifikuara me itinerarin për vitin 2019/2020 nuk do të qarkullojnë.