“Ne do të kemi sukses”, tha Mbretëresha Elizabeth II në fjalimin drejtuar kombit
Sfida e luftimit të koronavirusit është e ndryshme nga vështirësitë e tjera me të cilat jemi përballur më parë, ka thënë Mbretëresha britanike Elizabeth II. Adresimi i saj drejtuar kombit, u bë përmes transmetimit të drejtpërdrejtë televiziv, njofton REL.
“Këtë herë ne bashkohemi në një përpjekje të përbashkët me të gjitha kombet në të gjithë globin, duke përdorur përparimet e mëdha të shkencës dhe dhembshurinë tonë instiktive për të shëruar”, tha ajo.
“Ne do të kemi sukses – dhe se suksesi do t’i takojë secilit prej nesh”, tha Mbretëresha Elizabeth.
Numri i të vdekurve nga koronavirusi në Mbretërinë e Bashkuar, më 5 prill, është rritur për 621 persona, duke e çuar numrin e përgjithshëm të viktimave në 4,934.
Mbretëreshë theksoi vlerën e vetë-disiplinës dhe vendosmërisë – duke thënë se ajo shpreson që, në të ardhmen, të gjithë “të jenë në gjendje të krenohen me mënyrën se si iu përgjigjën kësaj sfide”.
Ajo tha se ky adresim i kujtonte asaj transmetimin e saj të parë, të bërë gjatë Luftës së Dytë Botërore me motrën e saj, Princeshën Margaret.
Her Majesty The Queen addresses the UK and the Commonwealth in a special broadcast recorded at Windsor Castle. pic.twitter.com/HjO1uiV1Tm
— The Royal Family (@RoyalFamily) April 5, 2020
Ajo theksoi se “do të kemi sukses” në trajtimin e koronavirusit, dhe – duke iu referuar këngës së Vera Lynn gjatë kohës së luftës – siguroi kombin që “do të takohemi përsëri”.
Për informata më të detajuara për situatën me virusin korona, klikoni në këtë link: http://gdi.mk/corona/