Shqipëria regjistroi edhe 28 raste të reja me virusin korona gjatë 24 orëve të fundit

Shqipëria ka regjistruar edhe 28 raste të reja me virusin korona gjatë 24 orëve të fundit, mes tyre dhe një fëmijë, ndërkohë mosha mesatare e rasteve pozitive është 50 vjeç, njofton Top Channel, transmeton Portalb.mk.

“Deri në këto momente janë testuar 2396 raste të dyshuara dhe prej tyre janë të konfirmuar pozitivë me COVID-19, 361 raste. Mosha mesatare e rasteve pozitive me COVID-19 është 50 vjeç. Ju informojmë se gjatë mbrëmjes së djeshme afër mesnatës se një 80-vjeçare nga Shkodra ka ndërruar jetë në Spitalin Rajonal të Shkodrës. E moshuara ishte paraqitur mëngjesin e datës 4 Prill në spital. 80-vjeçarja u izolua si e dyshuar me COVID dhe i janë bërë të gjitha ekzaminimet e duhura. E moshuara ishte vendosur menjëherë në terapi intensive. Në mbrëmje ka dalë përgjigjia e analizave, pozitive me COVID-19. Për shkak të gjendjes së rënduar shëndetësore transporti ka qenë i pamundur dhe afër mesnatës e moshuara ka ndërruar jetë”, ka thënë Dr. Albana Fico nga Instituti i Shëndetit Publik.

Ndërkohë, gjatë 24 orëve të fundit 5 pacientë të shëruar duke e çuar numrin e të shëruarve nga COVID-19 në 104. Momentalisht, numri i të prekurve nga COVID – 19 është 361 persona.

Lajme të ngjashme

Leave a Reply

Your email address will not be published. Required fields are marked *

Back to top button