Dënimet për qytetarët që nuk i respektuan masat e Qeverisë arritën mbi 4 mijë euro, kryeson Manastiri
Qeveria e RMV-së ka paralajmëruar qytetarët në lidhje me masat e marra për shkak epidemisë, por për shkak mosrespektimit të tyre, Prokuroria themelore publike ka ngritur procedurë për 179 persona, transmeton Portalb.mk.
Prokuroria ka ngritur procedurë për 180-të persona, bazuar në nenin 206 të Kodit penal, që dënon mosrespektimin e kufizimeve gjatë kohës së epidemisë.
Dënimet kryesisht arrijnë vlerën deri 2 mijë euro (123,000 denarë). Gjithashtu ka dënim, sikurse ai i mjekut në Kavadarci, që arrin vlerën deri 4,500 euro.
Ky është numri i rasteve sipas Prokurorive publike themelore: Kavadarci 13, Gjevgjeli 11, Gostivari 18, Strumica 2, Manastiri 31, Kumanova 5, Prilepi 7, Dibra 7, Koçani 17, Shkupi 23, Struga 2, Reseni 5, Kërçova 1, Ohri 4 , Shtipi 9, Sveti Nikolla 8, Berova 2, Radovishi 11 dhe Velesi 4.
Ndryshe, sot edhe një pacient 79 vjeçar nga Dibra ka ndërruar jetë në klinikën e Shkupit nga virusi korona. Pacienti është diagnostifikuar pozitiv me virusin korona më 23 mars, ndërsa gjendja e tij pasi është përkeqësuar, më 25 mars është hospitalizuar në klinikën në Shkup.
Për informata më të detajuara për situatën me virusin korona, klikoni në këtë link: http://gdi.mk/corona/
LEXO: MPB: Gjithsej 242 persona nuk e kanë respektuar orën policore, 95 janë arrestuar
LEXO: Filipçe raportoi për zhvillimet e fundit rreth virusit korona, 285 numri i të infektuarëve nga virusi në RMV
LEXO: Dyshohet se gruaja nga Struga që ndërroi jetë nga koronvirusi, nuk ishte pranuar në spital, Prokuroria heton rastin
