Todorov humb luftën me mjekët
Në takimin e djeshëm ndërmjet ministrit për shëndetësi, Nikolla Todorov dhe përfaqësuesve të këshillit grevistë të mjekëve, është pranuar propozimi i mjekëve specialistë që në muajt e ardhshëm të zvogëlohen dënimet të cilat i parasheh projekti i pagesës sipas meritave.
“Negociatat po zhvillohen në linjë konstruktive, Është arritur pajtueshmëri për shumë pikë, ka mbetur të precizohen edhe disa kërkesa”, tha Dejan Stavriq, kryetar i sindikatës në qendrën klinike.
Greva do të vazhdojë edhe të hënën, por në takimin e caktuar gjatë ditës do të zhvillohet për mundësinë që të vendoset moratorium me të cilin shëndetësia publike përfundimisht do të dalë nga kjo situatë në të cilën ndodhet tani.