Ministri Çulev i propozoi Qeverisë masa shtesë për policinë, administratën, autoshkollat…
Naqe Çulev, Ministri i punëve të brendshme paralajmëroi se propozoi rekomandimet shtesë deri te Qeveria e RMV-së për parandalimin e përhapjes së virusit korona në vendin tonë, transmeton Portalb.mk.
Ai theksoi se vendi nuk ka nevojë të shpall gjendje krize ose gjendje të jashtëzakonshme në gjithë territorin e shtetit, vendim i cili është sjellë edhe në Këshillin e sigurisë.
“Qeveriа të parandalon edhe autoshkollat dhe Qendrat e provimeve”, deklaroi Çulev.
Ai kërkoi që Armata ta marrë tërësisht sigurimin e kufirit të gjelbër edhe atë në rajonin e SP për mbikëqyrjen kufitare Bllatë dhe SP për vendkalimin kufitar Xhepishtë, me qëllim që efektivët e policisë nga Policia kufitare të vendosen në funksion të qytetarëve nga rajonet ku është shpallur gjendje e jashtëzakonshme.
“Shërbimet administrative të punojnë me orar të ndryshuar, gjegjësisht në Shkup nga ora 7:30 deri në 18:00, ndërsa në qytetet tjera nga 7:30 deri në 16:30”, propozon Çulev.
Ai propozoi që në gjithë vendkalimet kufitare, sikurse edhe në Aeroportin e Shkupit, policia të jep urdhëresa dhe formularë për vetizolim.
“Momentalisht, Ministria e Punëve të Brendshme kryen sigurim patrullues të autobusëve me të cilët 32 shtetas të Shqipërisë dhe 20 shtetas të Kosovës nga aeroporti i Shkupit do të përcillen me shoqërim policor deri në vendkalimin kufitar në dalje të shtetit”, theksoi Çulev.
- LEXO: Virusi korona, Këshilli i Sigurimit vendosi të mos shpallet gjendje e jashtëzakonshme në vend (VIDEO)
- LEXO: Virusi korona, në Presidencën e RMV-së sot do të mblidhet Këshilli i Sigurimit
- LEXO: Virusi korona në RMV, këto janë vendimet e Qendrës për menaxhim me kriza
- LEXO: Policia dhe inspektorët e tregut i kanë mbyllur 7 kafene në Çair: Kanë punuar, pavarësisht ndalesës nga Qeveria
- LEXO: Virusi korona, Komuna e Butelit ka formuar ekip për ta ndihmuar kategorinë e ndjeshme të qytetarëve
