Në Gostivar u arrestua pronari i hotelit
Ministria e punëve të brendshme (MPB) raportoi se sot rreth orës 13:00 është arrestuar një pronar i hotelit në Gostivar, transmeton Portalb.mk.
Pronari i hotelit, 51 vjeçari A.A. nga Gostivari u arrestua për shkak se hoteli i tij ka punuar në kundërshtim me masat e Qeverisë së RMV-së.
“Personi A.A. është mbajtur në Stacionin policorë Gostivar, dhe pas zbardhjes dhe dokumentimit të plotë të rastit, kundër tij do të përgatitet parashtresë adekuate”, raportojnë nga MPB-ja.
Ata kërkojnë nga qytetarët që të respektojnë masat e qeverisë kundër përhapjes së virusit korona në vendin tonë.
Ndryshe, shtatë kafene mbrëmë janë mbyllur nga Inspektimi i Tregut në Çair të Shkupit pasi që nuk e kanë respektuar masën e Qeverisë që të mos punojnë. Qeveria dje miratoi vendim që të gjitha objektet hotelierike të mbyllen për mysafirët, ndërkaq restorantet mund të punojnë vetëm me porosi online.
Ajdovan Ademoski, kryetari i i Odës ekonomike Maqedoni-Turqi vlerëson se vetëm dëmet e para arrijnë rreth 1.8 milionë euro vetëm nga hotelet e mëdha në Shkup.
- LEXO: 1.8 milionë euro dëme vetëm te hotelet e mëdha në Maqedoninë e Veriut për shkak virusit korona
- LEXO: Policia dhe inspektorët e tregut i kanë mbyllur 7 kafene në Çair: Kanë punuar, pavarësisht ndalesës nga Qeveria
- LEXO: Qeveria i rekomandoi Prokurorisë të veprojë për lëndët lidhur me vendimet dhe masat për parandalimin e koronavirusit
- LEXO: Virusi korona në RMV, këto janë vendimet e Qendrës për menaxhim me kriza
- LEXO: Policia dhe inspektorët e tregut i kanë mbyllur 7 kafene në Çair: Kanë punuar, pavarësisht ndalesës nga Qeveria
