Spasovski: Do të dënohen ata që do të vijnë nga jashtë, e nuk do të vetëizolohen

Kryeministri Teknik Oliver Spasovski u bëri apel të gjithë qytetarëve, veçanërisht atyre të cilët do të vijnë në Maqedoni, seriozisht t’i respektojnë udhëzimet dhe rekomandimet e organeve kompetente, të jenë në nivel të përgjegjësisë personale.

“Apeloj te të gjithë qytetarët, kur të vijnë në kufi të tregojnë saktë prej nga vijnë dhe pastaj të shkojnë në vetëizolim 14 ditë. Në pesë kalimet kufitare që kanë mbetur të hapura nënshkruhen deklarata nga ana e qytetarëve që do të mbeten në vetëizolim. Prandaj u bëj apel atyre dhe familjeve të tyre ta respektojnë këtë. Secili që duhet të jetë në vetëizolim duhet ta bëjë atë. Kemi nëpunës policorë të cilët i përcjellin veprimet e qytetarëve të tillë dhe janë paraparë sanksionet më të rrepta për të gjithë ata që nuk mbeten në vetëizolim pasi të kthehen këtu. Edhe një herë do të shpreh mirënjohje të madhe për policinë, armatën, mjekët, stafin mjekësor – ata ditë e natë e përkushtojnë kohën dhe diturinë për të na ndihmuar,” theksoi Spasovski.

• LEXO: Virusi korona, në Presidencën e RMV-së sot do të mblidhet Këshilli i Sigurimit
• LEXO: Virusi korona në RMV, këto janë vendimet e Qendrës për menaxhim me kriza
• LEXO: Policia dhe inspektorët e tregut i kanë mbyllur 7 kafene në Çair: Kanë punuar, pavarësisht ndalesës nga Qeveria
• LEXO: Virusi korona, Komuna e Butelit ka formuar ekip për ta ndihmuar kategorinë e ndjeshme të qytetarëve