Austria kufizoi lëvizjet në vend për shkak të koronavirusit
Kancelari austriak Sebastian Kurz të dielën deklaroi se ka vetëm tre arsye pse qytetarët e këtij vendi do të duhej të dalin nga shtëpitë tyre, për punë, për blerjet e domosdoshme, siç është ushqimi, dhe ndihma për njerëzit e tjerë, transmeton Anadolu Agency (AA).
Udhëheqësi austriak tha se qeveria e tij ka kufizuar lëvizjen e njerëzve në të gjithë vendin si masë paraprake kundër përhapjes së koronavirusit të ri, të njohur si COVID-19.
Ai tha se njerëzit mund të dalin “vetëm ose me njerëzit me të cilët jetojnë në shtëpinë e tyre”.
Reagimi i Kurz erdhi pasi guvernatori i Tirolit njoftoi karantinë për rajonin.
Austria, një vend me popullsi me mbi 8,8 milionë njerëz, ka konfirmuar një vdekje dhe 800 të infektuar me koronavirus.
Guenther Platter, guvernatori i krahinës, njoftoi të dielën se njerëzit do të lejohen të dalin nga shtëpitë e tyre vetëm për blerje të ushqimit dhe ilaçeve ose për vizita te mjeku.
Koronavirusi u shfaq në qytetin kinez Wuhan në fund të vitit të kaluar dhe është përhapur në rreth 150 vende dhe territore për një kohë të shkurtër, duke shkaktuar mijëra të vdekur.
