Gruaja e kryeministrit spanjoll pozitive me koronavirus
Gruaja e kryeministrit spanjoll, Pedro Sanchez, rezultoi pozitive ndaj koronavirusit të ri (COVID-19), njoftuan zyrtarët të shtunën vonë, transmeton Anadolu Agency (AA).
Zyrtarët thanë se testi i Begona Gomez ishte pozitiv, por shëndeti i kryeministrit dhe gruas së tij është i mirë.
Spanja të shtunën njoftoi se do të mbyllë gjithë vendin, pasi numri i rasteve të diagnostikuara tejkaloi shifrën 6.000.
Pas shfaqjes në Wuhan të Kinës dhjetorin e kaluar, virusi i njohur si COVID-19 është përhapur në rreth 150 vende dhe territore, duke shkaktuar mijëra të vdekur.
Një shumicë e madhe e të infektuarve shërohen nga kjo sëmundje.
