Shtyhet ndeshja City – Real
Përballja e dytë mes Manchester Cityt dhe Real Madridit në 1/8 e finales në Ligën e Kampionëve është shtyrë, transmeton Koha.net.
Vendimi për të shtyrë ndeshjen që ishte paraparë të zhvillohej të martën e ardhshme, 17 mars, vjen pasi lojtarët e Real Madridit është dashur të vetëizolohen për 15 ditë, pasi u konfirmua se një basketbollist i klubit doli pozitiv me koronavirus, ka njoftuar klubi anglez.
Detajet për datën e re dhe informatat për biletat do të publikohen më vonë.
Ndeshjen e parë, në Madrid, e kishte fituar City 2 me 1.
