“Sentis Ag” nga Tetova zgjidhet kompania më e suksesshme në Maqedoni

Pronari i “Poliesterday” – Shkup, Filip Spasovski, fitoi çmimin për sipërmarrësin e vitit në kategorinë e ndërmarrjeve të vogla se bashku me Servet Qazimin, pronar i qumështores “Sentis Ag” nga Tetova i cili fiton dy herë rradhazi këtë çmim.

Kompania “Sentis-AG” nga Tetova filloi me punë me 1 dhjetor të vitit 1996 me inciativen e 4 aksionereve, pjesëtarë të një familje, të cilët 20 vite kishin punuar me pune të përkohëshme në Zvicer. Qumështorja “Sentis-AG” është kompani me teknologji bashkekohore për përpunimin e qumështit, e para ne rrethin e Tetovës, me sistem te mbyllur, ku bëhej pasterizimi, sterilizimi dhe homogjenizimi i qumështit dhe lëngjeve natyrale nga frutat.

Në kategorinë tjetër të mikro ndërmarrjeve, çmimin e parë e fitoi Boro Andonovski, menaxhues i “Abiks” – Shkup, derisa çmimin e dytë e fitoi Jumni Bakiji, menaxhues i JU-SM nga Brvenica. Fituesit e çmimeve të para, në një ceremoni në hotelin “Aleksandar Palace” do të marrin statuja të arta dhe kupona për aktivetete marketingu në vlerë prej 50.000 denarë, derisa fituesit e çmimeve të dyta do të marrin statuja nga argjendi dhe kupona në vlerë prej 25.000 denarë. Si “Kompania më inovative e vitit 2012?, u zgjodh JU-SM – Bërvenicë.

Përndryshe përzgjedhja është bërë duke u bazuar në të dhënat nga Regjistri Qendror i Republikës së Maqedonisë. Si sipërmarrësit më të mirë të mikro kompanive dhe kompanive të vogla zgjidhen ata të cilët për tre vitet e fundit të punës, kanë rritje të numrit të punëtorëve, rritje stabile në të ardhura dhe fitime dhe rritje të investimeve. Ky çmim është ndarë për të gjashtën herë.