Supremja e hodhi poshtë ankesën – Vangellovski edhe zyrtarisht u shkarkua
Gjykata Supreme e ka refuzuar ankesën e ish kryetarit të saj, Jovo Vangellovski, pasi që ka vlerësuar se është e pabazë dhe me këtë e ka konfirmuar vendimin e Këshillit Gjyqësor. Me këtë vendim, Vangellovski edhe zyrtarisht është shkarkuar nga detyra, njofton Portalb.mk.
“Këshilli Ankues në Gjykatën Supreme të Maqedonisë së Veriut në seancën e djeshme ka diskutuar për ankesën e ish kryetarit – gjykatës, Jovo Vangellovski, të dorëzuar kundër vendimit të Këshillit Gjyqësor të Maqedonisë së Veriut nr.08-11/30 nga 23.09.2019-të për largimin e përkohshëm të tij nga kryerja e funksionit gjyqësor dhe funksionit kryetar i gjykatës. Në të njëjtën seancë Këshilli Ankues ka miratuar vendim me të cilin ankesa e e të ankuarit është hedhur poshtë si e pabazë dhe e ka konfirmuar vendimin e Këshillit Gjyqësor të Maqedonisë së Veriut nr.08-11/30 të 23.09.2019-të”, thuhet në kumtesën e publikuar nga Gjykata Supreme.
Këshilli gjyqësor në mbledhje të mbajtur më 10 shtator 2019 unanimisht e shkarkoi kryetarin e Gjykatës Supreme Jovo Vangellovski për punë joprofesionale dhe të papërgjegjshme në shërbim. Në mbledhjen e njëjtë është shkarkuar edhe gjykatësja supreme Rahillka Stojkovska – që të dy për shkak të vendimit që e miratuan, e me të cilin e anuluan paraburgimin për Sead Koçan, i akuzuar në rastin Trust dhe i mundësuan atij të mos shkojë në paraburgim.
Opinioni e dëgjoi Vangellovskin në bombat duke kurdisur një lëndë gjyqësore me ish-ministrin Mile Janakieski, pastaj në diskutimin e një zyrtari të qeverisë ku shpalosin momente komprometuese për të. Në një raport të veçantë e ka theksuar edhe prokurorja speciale Katica Janeva si gjykatës i cili kryen ndikime dhe direktiva partiake. Vangellovski ishte kumbar i ish kryetarit të Parlamentit, ose deputetit të VMRO-DPMNE-së, Trajko Veljanovski.
- LEXO: Kryetarin e Gjykatës Supreme, Jovo Vangellovski e kemi ndër më të pasurit: 4 banesa, 3 vetura, tokë, aksione, piktura…
- LEXO: Jovo Vangellovski – kundërshtari i paepur i PSP-së
Për lëndën për Sead Koçan, parashtresë në Këshillin gjyqësor për punë joprofesionale është parashtruar edhe kundër gjyqtarit suprem Risto Katavenovski me votën e të cilit këshilli prej pesë anëtarëve në Gjykatën Supreme solli vendim (me tre vota pro dhe dy kundër), Koçan të mbrohet në liri.
Katavenovski një kohë më të gjatë ka probleme shëndetësore dhe mungon në punën e Gjykatës, pra Këshilli gjyqësor, deri tani nuk ka arritur as t’ia dorëzojë që kundër tij është ngritur procedurë për punë të papërgjegjshme.
Burime nga Këshilli thonë që disa herë kanë dërguar korrier, por edhe Katavenovski nuk ka qenë në Gjykatën Supreme.
Nga Gjykatat supreme kanë konfirmuar që gjykatësi për shkaqe shëndetësore një kohë të caktuar ka qenë në pushim mjekësor.
Këshilli gjyqësor para pesë ditëve ka publikuar konkurs për gjykatës suprem, pas apelit të u.d. kryetar i Gjykatës Supreme Faik Arsllani, që edhe kjo gjykatë është e bllokuar dhe nuk mund të punojë në mënyrë efikase për shkak të numrit të zvogëluar të gjyqtarëve.
