Sulm me bombë pranë Ambasadës së SHBA-së në Tunizi (VIDEO)
Një polic ka humbur jetën ndërsa dy sulmues vetëvrasës u hodhën në erë pranë ambasadës së SHBA-ve në kryeqytetin Tunis, njoftuan sot mediat, transmeton Anadolu Agency (AA).
Sulmi kishte si synim një pikë kontrolli të sigurisë pranë ambasadës në Tunis, njoftoi agjencia zyrtare e lajmeve TAP, duke cituar një burim të mbrojtjes civile.
Sipas TAP, e cila citoi Ministrinë e Brendshme, shpërthimi ka lënë pesë zyrtarë të sigurimit të plagosur, ndërsa njëri prej tyre iu nënshtrua plagëve të tij. Një civil po ashtu u plagos lehtë.
Rajoni i Buhayra në kryeqytet, ku ndodhet ambasada e SHBA-ve, është lokacioni i shumë misioneve diplomatike si dhe agjencive të institucioneve dhe organizatave ndërkombëtare.
