Moti sot në Maqedoninë e Veriut

Moti sot në Maqedoninë e Veriut do të jetë me diell dhe vranësira të vogla. Në vendet më të larta malore do të ketë reshje të shiut dhe borës. Gjithashtu do të fryjë erë mesatare nga drejtimi perëndimor dhe veriperëndimor.

Temperaturat e mëngjesit do të lëvizin prej -1 deri 4 gradë Celsius, ndërsa ato ditore do të jenë në interval prej 5 deri 12 gradë Celsius.
Gjatë ditëve të ardhshme moti pritet të jetë stabil, si dhe do të ketë rritje të temperaturave ditore.