MSH publikoi numrat e kontaktit ku mund të paraqiten rastet dyshuara për virusin korona

Ministria e shëndetësisë publikoi 14 numrat ku qytetarët mund të paraqesin rastet në lidhje me virusin korona në vendin tonë, transmeton Portalb.mk.

Përmes këtyre 14 numrave janë përfshirë gjithë rajonet e vendit.

“Apelojmë deri të pacientët që vijnë nga vendet kritike të përgjigjen në pyetjet e policisë kufitare dhe të punësuarve në doganë”, deklaroi ministri Venko Filipçe, duke kërkuar nga qytetarët të mos fshehin informatat.

Ai këshilloi qytetarët të informohen përmes fletushkave në aeroporte dhe pikat kufitare.

Gjithashtu sot u rekomandua anulimi i gjithë ekskursioneve të shkollave fillore dhe të mesme, si dhe universiteteve për në Itali.