fbpx

Harvey Weinstein u shpall fajtor për sulm seksual dhe përdhunim

Një gjykatë në Nju Jork e shpalli fajtor ish-producentin e filmave, Harvey Weinstein, për sulm seksual dhe përdhunim, shkruan REL, transmeton Portalb.mk.

Weinstein, 67 vjeç, dikur njëri nga producentët më të fuqishëm në Hollywood, u gjet fajtor për sulm seksual ndaj ish-asistentes Mimi Haleyi në vitin 2006 dhe për përdhunimin e aktores Jessica Mann, më 2013.

Këto akuza bartin dënimin me burgim deri në 25 vjet.

Seanca dëgjimore u caktua për datën 11 mars.

Weinstein u lirua nga akuzat më të rënda, për sulme të përsëritura seksuale, që bartin dënim me burgim të përjetshëm.

Gjykatësi James Burke urdhëroi që Weinstein të mbahet në paraburgim.

Akuzat kundër tij janë ngritur në maj të vitit 2018, pasi New York Times dhe Washington Post kanë publikuar njëkohësisht raporte në lidhje me dyshimet për sjelljen e tij të papërshtatshme seksuale.

Weinstein është liruar muajin pasues pasi ka paguar një kusht prej 1 milion dollarësh.

Pretendimet kundër Weinsteinit kanë ndihmuar në formimin e lëvizjeve globale #MeToo dhe Times Up kundër sjelljeve të papërshtatshme seksuale.

Weinstein i ka hedhur poshtë të gjitha akuzat kundër tij, duke thënë se çdo marrëdhënie seksuale që ka pasur, ka qenë me pajtim.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close