U ndalua përdorimi i telefonit celular në shkollë
Një nga sfidat në arsimin fillor dhe të mesëm vitet e fundit është shpërqendrimi i nxënësve gjatë orëve mësimore, që vjen edhe për shkak përdorimit të telefonave celular, transmeton Portalb.mk.
Udhëheqësit e shkollës fillore “Aleksandër Makedonski” bashkë me udhëheqësit e prindërve vendosën që të ndalohet përdorimi I telefonave celulare gjatë orëve mësimore.
“Mësimi pa telefona celularë do të mundësojë të ngritët niveli i procesit arsimor. I nxisim edhe shkollat tjera të komunës të aplikojnë këtë praktikë”, deklarojnë nga Komuna e Aerodromit.
Si zgjidhje planifikohet ndërtimi i inventarëve të tillë ku nxënësit do të vendosin telefonat gjatë orës mësimore.
Më herët, u vendos që gjatë procesit mësimor në shkollat fillore të Komunës së Gjorçe Petrovit, të mos lejohet më përdorimi i celularëve.
LEXO: Arsimtarët dhe nxënësit nuk do të mund të përdorin celularin, vendosi komuna