Propozimi i gjermanit për të dashurën shfaqet në “Google Maps”
Një propozim që një gjerman i ka bërë të dashurës së tij për martesë është fotografuar nga “Google Maps”, transmeton Koha.net.
32-vjeçari më pas e kishte detyruar të dashurën të përdorte një dron për të fluturuar mbi atë hapësirë për të parë mesazhin romantik.
Megjithatë, propozimi i tij mori audiencë më të madhe se që kishte planifikuar.
Schawrz u ka thënë mediave se s’kishte ide që propozimi i tij do të shfaqej në shërbimin e famshëm të hartave, derisa ishte njoftuar nga një familjare në Kanada që i kishte dërguar një fotografi.
Propozimi ishte bërë në një tokë në Huettenberg, në qendër të Gjermanisë.
“Fillimisht s’mund ta shihte propozimin sepse droni nuk ishte lartë mjaftueshëm. Por sapo e pa, menjëherë tha po”, ka thënë Schawrz për “hessenschau”, transmeton Koha.net.
Çifti planifikon të martohet në qershor dhe droni mund të përdoret sërish – këtë herë për fotografi të dasmës.