U arrestua edhe një edukatore tjetër e “Cambridge Kids”
Gjatë ditës së sotme është arrestuar edhe një edukatore tjetër e “Cambridge Kids”, e cila dyshohet se kishte përdorur dhunë ndaj një fëmije kohë më parë.
Kjo është edukatorja e dytë e arrestuar nga ky kopsht për keqtrajtim të fëmijës.
Këtë për klankosova.tv e bëri të ditur Zëdhënësja për media nga Prokuroria Themelore në Prishtinë, Laureta Ulaj.
Ajo deklaroi se ndaj dy të dyshuarave u është caktuar masa e ndalimit për 48 orë dhe se ndaj të dyshuarave është kërkuar caktimi i masës së paraburgimit prej 30-ditësh.
“Janë arrestuar dy persona të dyshuara dhe pastaj Prokuroria Themelore në Prishtinë ka kërkuar paraburgim për dy të dyshuarat”, deklaroi Ulaj.