Palmer: Uashingtoni pret që BE deri muajin mars të hapë negociata aderuese për Tiranën dhe Shkupin

SHBA-ja pret që Bashkimi Evropian muajin e ardhshëm të hapë negociatat aderuese me Maqedoninë e Veriut dhe Shqipërinë, si dhe konsiderojnë se rruga evropiane e dy vendeve është e patjetërsueshme, deklaroi përfaqësuesi i posaçëm amerikan për Ballkanin Perëndimor Methju Palmer.

“Ne besojmë se dy vendet për sa i përket arritjes dhe meritës janë të kualifikuara për të filluar negociatat. Ky do të ishte sinjal i rëndësishëm që duhet dërguar në rajon. E patjetërsueshme është që Maqedonia e Veriut dhe Shqipëria të kenë rrugë të qartë evropiane dhe perspektivë evropiane”, theksoi Palmer për servisin bullgar të Radio Evropës së Lirë.

Ai shpreh shqetësimin për përfshirjen e Rusisë në Ballkanin Perëndimor dhe tentimet e Moskës për të minuar mbështetjen ndërkombëtare për Marrëveshjen e Prespës, me të cilën është zgjidhur kontesti 27-vjeçar për emrin mes Shkupit dhe Athinës dhe heq pengesën që Maqedonia e Veriut të bashkohet inkuadrohet në NATO dhe BE.

Sipas tij, qëllimi i Rusisë është që ta destabilizojë Ballkanin Perëndimor përmes konflikteve dhe futjes së elementeve të kaosit, si dhe krijimin e mosmarrëveshjes mes shteteve në rajon dhe bashkësisë ndërkombëtare.