Azerbajxhani në zgjedhje të parakohshme parlamentare
Votuesit në Azerbajxhan sot po shfrytëzojnë të drejtën e tyre të votës në zgjedhjet e parakohshme parlamentare, raporton Anadolu Agency (AA).
Gjithsej 1.314 kandidatë garojnë për vendet në parlamentin e vendit kaspik.
Mbi 5,3 milionë votues të regjistruar janë duke votuar për të zgjedhur 125 anëtarët e Asamblesë Kombëtare.
Më shumë se 130 media ndërkombëtare nga 47 vende do të mbulojnë zgjedhjet e parakohshme, dhe mbi 77.000 vëzhgues vendas dhe 883 të huaj janë akredituar për të monitoruar procesin e votimit.
Në vend janë hapur 5.500 vendvotime, me rreth 1.000 të pajisura me një sistem të veçantë kamerash në internet, duke i bërë ato të shikueshme në faqen e internetit të Komisionit Qendror të Zgjedhjeve.
Këto janë zgjedhjet e gjashta parlamentare të Azerbajxhanit pasi vendi rifitoi pavarësinë e tij në vitin 1991 pas rënies së Bashkimit Sovjetik.
Në rrethana normale, zgjedhjet parlamentare ishin planifikuar për muajin nëntor.