Regjimi i Asadit pretendon se “Izraeli ka sulmuar Damaskun”
Regjimi i Bashar al Asadit ka pretenduar se avionët luftarakë të Izraelit kanë zhvilluar sulme në disa pika në kryeqytetin Damask transmeton Anadolu Agency (AA).
Në lajmin e agjencisë së lajmeve SANA të regjimit, pretendohet se avionët luftarakë të Izraelit në orët e vona të natës kanë kryer sulme në 4 pika në kryeqytetin Damask.
Në lajm njoftohet se avionët izraelitë sulmet i kanë kryer nga Lartësirat Golan dhe nga pjesa jugore e Libanit dhe kanë vënë në objektiv zonat al-Kiswa, Marj al-Sultan, Jisr Baghdad dhe Izraa.
Gjithashtu theksohet se sistemet e mbrojtjes ajrore të regjimit kanë parandaluar shumë raketa.
Ndërkohë autoritetet izraelite ende nuk kanë bërë ndonjë deklaratë lidhur me çështjen.
Izraeli që nga fillimi i luftës së brendshme në vitin 2011 e deri më tani, zhvillon herë pas here sulme ndaj pikave ushtarake që i përkasin regjimit dhe grupeve me mbështetje iraniane në Siri.
