Propozim-ligj, personat mbi 65 vjet që s’kanë 15 vjet stazh, do të munden ta blejnë për të marrë pension

Personat të cilët i kanë mbushur 65 vjet, ndërsa nuk kanë 15 vjet stazh për shkak të asaj që nuk u janë paguar një pjesë e kontributeve, do të mund t’i blejnë vitet e stazhit që u mungojnë që të mund të marrin pension të pleqërisë. Këtë e parasheh Propizim- ligjor i cili është në rend dite të seancës së sotme kuvendore.

Propozimi është dorëzuar nga grupi i deputetëve të BDI-së, ndërsa siç sqaroi njëri nga propozuesit Rexhail Ismaili, iniciativa del nga kërkesat e qytetarëve të cilët shumë vite prapa përballen me problem të tillë, transmeton MIA.

“Si rezultat i kërkesave të shumë qytetarëve, konstatuam se kjo çështje duhet të përgatitet si ligj”, tha Ismaili.

Deputetët e opozitës u shprehën se do të japin mbështetje në propozim-ligjin dhe vlerësuan se bëhet fjalë për vazhdim të vendimit ligjor që VMRO-DPMNE e ka sjellur në vitin 2015. Paralajmëruan amendamente në lexim të dytë me qëllim që të përmirësohet vendimi ligjor. Një pjesë e tyre kishin vërejtje në periudhën në të cilën dorëzohet ligji dhe konsiderojnë se bëhet fjalë për ligj parazgjedhor për blerje të votave.

Sipas Dragan Cuklev nga VMRO-DPMNE, ligji do të shkaktojë implikime financiare, në çka ka reaguar Ismaili i cili i ka mohuar pohimet e tilla me arsyetimin se me blerjen e stazhit do të bashkohen mjetet në fondin e FSPI. Në lidhje me kohën kur dorëzohet ligji Ismaili sqaroi se tani propozohet ligji që të ketë vazhdimësi të sjelljes së ligjit për punëtorë të falimentuar.

Debati për këtë pikë nga rendi i ditës vazhdon me pushim të rregullt njëorësh.

Lajme të ngjashme

Leave a Reply

Your email address will not be published. Required fields are marked *

Back to top button