U mbyll në Shqipëri shkolla e financuar nga Irani
Mbyllet shkolla e financuar nga Irani “Saadi”. Institucioni arsimor jo publik i arsimit të mesëm dhe të lartë ishte licencuar me urdhrin 361 më 1 dhjetor 2000 dhe kishte aktivitetin në Tiranë, transmeton OraNews.
Vendimi i Ministrisë së Arsimit mban datën 17 janar 2020. Zyra e shtypit informon se Ministra ka finalizuar procesin e nisur prej vitit të shkuar dhe nxënësit janë vendosur në institucione të tjera.
Shkolla ‘Saad’ ishte e financuar nga Irani dhe ishte mbyllur me kërkesë të kësaj të fundit.
Vendimin Ministria e Arsimit e ka marrë vetëm dy ditë pas dëbimit të diplomatëve iranianë nga qeveria shqiptare.
Por për Ora News, Ministria thotë se urdhri nuk ka lidhje me largimin e diplomatëve por procesi për mbylljen ka nisur 6 muaj më parë nga vetë gjimnazi për shkak të mungesës së nxënësve.
MAS detyron institucionin
Të kthejë pagesat e kryera nga nxënësit për pjesën e papërfunduar të shkollit dhe çdo detyrim tjetër të papërmbushur që mund të ketë ndaj tyre
Të pajisë çdo nxënësme dokumentacionin e nevojshëm shkollorë që do të shërbejë për transferimin e tij në një institucion tjetër të arsimit parauniversitar.
Të vërë në dispozicion të zyrës vendore të arsimit parauniversitar, Tiranë, çdo informacion të kërkuar deri në plotësimin dhe mbylljen e të gjitha kërkesave të parashikuara në këtë urdhër.
Të mbulojë të gjithë shpenzimet për kryerjen e procedurave për transferimin e nxënësve në zbatim të këtij urdhri
Të dorëzojë në zyrën vendore të arsimit parauniversitar Tiranë të gjithë dokumentacionin lidhur me veprimtarinë e kryer.
Një grup pune renda tre ditësh do të marrë masa për mbylljen e këtij institucioni si dhe transferimin e nxënësve në institucione të tjera. Gjithashtu ky grup duhet të administrojë të gjithë dokumentacionin.