PDK-ja zgjodhi nënkryetarët, sekretarin e ri dhe udhëheqësit e departamenteve
Kryesia e re e Partisë Demokratike të Kosovës në mbledhjen e saj të parë ka zgjedhur dhe plotësuar strukturën e re drejtuese të partisë, duke emëruar nënkryetarët, sekretarin dhe një numër udhëheqësish të departamenteve sektoriale.
Kjo është lista e emërimeve të reja:
Uran Ismaili – Sekretar i Përgjithshëm i PDK-së
Agim Aliu, nënkryetar
Shaqir Totaj, nënkryetar
Abelard Tahiri, Udhëheqës i Departamentit për Çështje Organizative
Betim Gjoshi, Udhëheqës i Departamentit për Çështje Elektorale
Blerand Stavileci, Drejtor Ekzekutiv i partisë
Hajredin Kuçi, udhëheqës i Departamentit për Politika Programore
Enver Hoxhaj, udhëheqës i Departamentit për Marrëdhënie Ndërkombëtare
Elmi Reçica, udhëheqës i Departamentit për Çështje të Diasporës
Sami Lushtaku, udhëheqës i Departamentit për Vlera të Luftës
Xhavit Haliti, udhëheqës i Departamentit për Grupe të Interesit
Migjen Kelmendi, udhëheqës i Departamentit për Media dhe Rrjete Sociale
Muzafer Shala, udhëheqës i Departamentit për Rini dhe Inovacion
Safete Hadërgjonaj, udhëheqëse e Departamentit Financa dhe Anëtarësi
Bajrush Xhemajli, Udhëheqës i Depertamentit për koordinim me deputetë, ekzekutivin dhe asamblistët
Blerta Deliu-Kodra, udhëheqëse e Departamentit Çështje Gjinore.
Kryetari Kadri Veseli dhe Kryesia e PDK-së, thuhet në kumtesën për media, përgëzuan të porsa zgjedhurit për përgjegjësitë e reja, duke vlerësuar lartë demokracinë e brendshme të shfaqur gjatë procesit zgjedhor.
“Po ashtu, u rikonfirmua zotimi për fuqizimin e angazhimit të mëtejmë politik në pajtim me pritshmëritë e qytetarëve dhe sfidave të cilat po i kalon vendi”, përfundon njoftimi.
