Rikthimi i”Antishfije”-s, Unioni i Gazetarëve përshëndeti vendimin e Metës
Unioni i Gazetarëve Shqiptarë ka përshëndetur vendimin e Presidentit të Republikës, Ilir Meta, për të mos dekretuar ligjin “antishpifje”. UGSH thekson se ky ligj i miratuar nga mazhoranca socialiste është kundërshtuar nga organizatat e gazetarëve brenda vendit, si dhe nga organizatat ndërkombëtare, shkruan Top Channel.
Reagimi
Presidenti i Republikës kthen draftin “Anti-shpifje”
Tiranë, 12 janar 2020
Unioni i Gazetarëve Shqiptarë përshëndet vendimin e Presidentit të Republikës Sh.T. Ilir Meta për kthimin për rishqyrtim në Kuvend të paketës së ashtuquajtur “Anti-shpifje”, e cila u refuzua gjatë nga UGSH, organizatat e tjera të gazetarëve brenda vendit, si dhe nga organizatat më prestigjioze ndërkombëtare.
Ky vendim konfirmon drejtësinë e qëndrimit të organizatës sonë në këtë kauzë në mbrojtje të lirisë së shprehjes.
