Deri më 12 shkurt pritet të ratifikohet në Kuvend Protokolli për anëtarësim në NATO

Talat Xhaferi, kryetari I Kuvendit të RMV-së theksoi se deri më 12 shkurt do të ratifikohet Protokolli për anëtarësimin e Maqedonsië së Veriut në NATO, pasi më 11 shkurt do të shpërbëhet kjo përbërje parlamentare, transmeton Portalb.mk.

“Në këtë moment nuk ka nevojë të shpejtohet me ratifikim të parakohshëm. Propozimi qeveritar është në procedurë kuvendore dhe nuk ka indikacione se është e domosdoshme që para kohe të veprohet”, theksoi Xhaferi, duke u shpreh i bindur se gjithë partitë do të votojnë për ratifikim në Kuvend.

Përndryshe, nga 29 vendet-anëtare të NATO-s, vetëm Spanja nuk e ka ratifikuar Protokollin, pasi deri më 7 janar nuk ka pasur qeveri.

Procesi i ratifikimit të Protokollit nga shtetet anëtare erdhi pasi që ai fillimisht është nënshkruar më 6 shkurt në Bruksel, pas zgjidhjes së kontestit me Greqinë për ndryshimin e emrit dhe nënshkrimin e Marrëveshjes së Prespës. Pasi të gjitha vendet anëtare të NATO-s ta ratifikojnë Protokollin në Kuvendet e tyre, Maqedonia e Veriut do të bëhet anëtarja e 30 e NATO-s. Deri tash, procesi i ratifikimit të protokollit është finalizuar në 28 shtete.

Qeveria e Maqedonisë së Veriut në mbledhjen e mbajtur më 28 dhjetor, ka konfirmuar tekstin e propozim-ligjit që ka të bëjë me marrëveshjen përfundimtare për anëtarësimin në NATO, të cilin e dorëzoi në kuvend për miratim. Qeveria me këtë ka kërkuar nga deputetët ratifikimin e përkohshëm të protokollit për anëtarësimin e vendit në NATO, por propozim-ligji pritet të hyjnë në fuqi pasi të botohet në Gazetën Zyrtare.

Kuvendi i Maqedonisë së Veriut duhet të shpërbëhet më 11 shkurt, si pasojë e marrëveshjes ndërmjet partive politike, që vendi të shkojë në zgjedhje të parakohshme parlamentare më 12 prill të vitit 2020.

Duke iu referuar përvojës së Malit të Zi, ishte partia maqedonase në opozitë VMRO-DPMNE, që hodhi idenë për ratifikimin e parakohshëm të protokollit për anëtarësim në NATO, për shkak të zvarritjes së krijimit të institucioneve të reja në Spanjë. Kjo ide më pas u mbështet edhe nga partitë shqiptare në opozitë.

LISTA E VENDEVE QË DERI E KANË RATIFIKUAR PROTOKOLIN

1. Bullgaria e ratifikoi Protokollin për anëtarësimin e RMV-së në NATO
2. Greqia e ratifikoi Protokollin për anëtarësimin e RMV-së në NATO
3. Sllovenia e ratifikoi Protokollin për anëtarësim të RMV-së në NATO
4. Shqipëria e ratifikoi Protokollin për anëtarësim të RMV-së në NATO
5. Kroacia e ratifikoi Protokollin për anëtarësimin të RMV-së në NATO
6. Mali i Zi e ratifikoi Protokollin për anëtarësim të RMV-së në NATO
7. Rumania e ratifikoi Protokollin për anëtarësim të RMV-së në NATO
8. Lituania e ratifikoi Protokollin për anëtarësim të RMV-së në NATO
9. Danimarka e ratifikoi Protokollin për anëtarësim të RMV-së në NATO
10. Sllovakia e ratifikoi Protokollin për anëtarësim të RMV-së në NATO
11. Polonia e ratifikoi Protokollin për anëtarësim të RMV-së në NATO
12. Norvegjia e ratifikoi Protokollin për anëtarësim të RMV-së në NATO
13. Gjermania e ratifikoi Protokollin për anëtarësim të RMV-së në NATO
14. Belgjika e ratifikoi Protokollin për anëtarësim të RMV-së në NATO
15. Portugalia e ratifikoi Protokollin për anëtarësim të RMV-së në NATO
16. Letonia e ratifikoi Protokollin për anëtarësim të RMV-së në NATO
17. Estonia e ratifikoi Protokollin për anëtarësim të RMV-së në NATO
18. Kanada e ratifikoi Protokollin për anëtarësim të RMV-së në NATO
19. Hungaria e ratifikoi Protokollin për anëtarësim të RMV-së në NATO
20. Turqia e ratifikoi Protokollin për anëtarësim të RMV-së në NATO
21. Çekia e ratifikoi Protokollin për anëtarësim të RMV-së në NATO
22. SHBA-ja e ratifikoi Protokollin për anëtarësim të RMV-së në NATO
23. Italia ratifikoi Protokollin për anëtarësimin të RMV-së në NATO
24. Britania ratifikoi Protokollin për anëtarësimin të RMV-së në NATO
25. Franca e ratifikoi Protokollin për anëtarësimin e RMV-së në NATO
26. SHBA ratifikoi Protokollin për anëtarësimin e RMV-së në NATO
27. Islanda e ratifikoi Protokollin për anëtarësimin e RMV-së në NATO
28. Holanda e ratifikoi Protokollin për anëtarësimin e RMV-së në NATO